XXV.

Hyperbole intrinsecus tangens parabolen, omnino secat eamdem circa unum axim³¹⁰.

Hyperbole ab, cuius axis bg, tangat intus parabolam ed³¹¹. circa eumdem axim apud verticem b. Dico iam quod ab hyperbola secabit bd parabolam. Quoniam concursus³¹² sit apud³¹³ b verticem. Ducatur penes nontangentem³¹⁴ hyperboles linea be, quae per 27. primi Conicorum, coincidet pheripheriam³¹⁵ paraboles. Coincidat³¹⁶ apud e sed per³¹⁷ additam post primam secundi Conicorum, eadem be fertur semper intra peripheriam hyperboles ba. Igitur omnino peripheria ba, producta secabit peripheriam paraboles³¹⁸ bd, ut pote apud z. Et similiter ad reliquas axis partes. Quod est propositum.