THEOREMA III

9 Aeque²⁷ remota signa aequaliter; propiora vero magis illuminant.

10 A signo enim lucidi cuiuspiam A, in planum BC cadant radii AB, AD, AE, AF et AC, intelliganturque iidem radii rem GH, signo A, propiorem illuminare in signis G, H , K, L, M, sitque AE radius ipsis BC et GH planis perpendicularis; ipsi vero AD et AF, item et AB et AC, aequales²⁸. Aio quod BE²⁹ et EC plana aequaliter, ipsum vero³⁰ GH magis illuminabitur. Patet enim radios AB, AD, AE, AF et AC in planis BE et EC esse aequaliter³¹ densos, in plano vero³² GH densiores.³³ Igitur per secundum suppositum, ipsa³⁴ BE et EC plana aequaliter, ipsum vero GH magis illuminabitur. Quod si intelligatur[C:4r] signum A spatio BC propius fieri inter ipsas BA AC, lineas, crescet iam BAC³⁵ angulus. Itaque BC spatium plures suscipiet radios³⁶. Quare ex³⁷ quinto supposito magis illuminabitur.

Corollarium

11 Hinc et illud sequitur, ut sol aeque a se remota aequaliter, propiora vero³⁸ magis calefaciat.